2015 жылғы 27 наурыз, Астана қаласы
Бірегей және элиталық тұқымдар, бірінші, екінші және үшінші көбейтілген тұқым өндірушілерді, тұқым өткізушілерді аттестаттау қағидаларын бекiту туралы
«Тұқым шаруашылығы туралы» 2003 жылғы 8 ақпандағы Қазақстан Республикасы Заңының 6-бабы 1-тармағының 6) тармақшасына сәйкес бұйырамын:
1. Қоса беріліп отырған Бірегей және элиталық тұқымдар, бірінші, екінші және үшінші көбейтілген тұқым өндірушілерді, тұқым өткізушілерді аттестаттау қағидалары бекітілсін.
2. Қазақстан Республикасы Ауыл шаруашылығы министрлігінің Өсімдік шаруашылығы өнімдерін өндіру мен қайта өңдеу және фитосанитариялық қауіпсіздік департаменті заңнамада белгіленген тәртіппен:
1) осы бұйрықтың Қазақстан Республикасының Әділет министрлігінде мемлекеттік тіркелуін;
2) осы бұйрық Қазақстан Республикасы Әділет министрлігінде мемлекеттік тіркелгеннен кейін күнтізбелік он күн ішінде оның көшірмесінің мерзімді баспа басылымдарында және «Әділет» ақпараттық-құқықтық жүйесінде ресми жариялауға жіберілуін;
3) осы бұйрықты Қазақстан Республикасы Ауыл шаруашылығы министрлігінің интернет-ресурсында орналастырылуын қамтамасыз етсін.
3. Осы бұйрық алғашқы ресми жарияланған күнінен кейiн күнтiзбелiк жиырма бір күн өткен соң қолданысқа енгiзiледi.
Қазақстан Республикасының Ауыл шаруашылығы министрінің міндетін атқарушы С.ОМАРОВ
«КЕЛІСІЛГЕН»
Қазақстан Республикасының Инвестициялар және
даму министрі ____________Ә. Исекешев
2015 жылғы 5 маусым
«КЕЛІСІЛГЕН»
Қазақстан Республикасының Ұлттық экономика
министрі ___________ Е. Досаев
2015 жылғы 25 маусым
Қазақстан Республикасы Ауыл шаруашылығы министрінің міндетін атқарушының
2015 жылғы 27 наурыздағы № 4-2/266 бұйрығымен бекітілген
Бірегей және элиталық тұқымдар, бірінші, екінші және үшінші көбейтілген тұқым өндірушілерді,
тұқым өткізушілерді аттестаттау қағидалары
1. Жалпы ережелер
1. Осы Бірегей және элиталық тұқымдар, бірінші, екінші және үшінші көбейтілген тұқым өндірушілерді, тұқым өткізушілерді аттестаттау қағидалары (бұдан әрі – Қағидалар) «Тұқым шаруашылығы туралы» 2003 жылғы 8 ақпандағы Қазақстан Республикасы Заңының 6-бабы 1-тармағының 6) тармақшасына сәйкес әзірленді және бірегей және элиталық тұқымдар, бірінші, екінші және үшінші көбейтілген тұқым өндірушілерді, тұқым өткізушілерді аттестаттау тәртібін айқындайды.
2. Осы Қағидаларда мынадай негізгі ұғымдар пайдаланылады:
1) аттестаттау туралы куәлік – облыстың, республикалық маңызы бар қаланың және астананың жергілікті атқарушы органы (бұдан әрі – жергілікті атқарушы орган) берген, мемлекеттің аттестатталған бірегей және элиталық тұқымдар, бірінші, екінші және үшінші көбейтілген тұқым өндірушілердің, тұқым өткізушілердің қызметін тануы туралы куәландыратын құжат;
2) бірегей тұқымдар – ауыл шаруашылығы өсімдігі сортының авторы, ол уәкілдік берген адам немесе сорттың оригинаторы өсіріп шығарған және элиталық тұқымдарды өндіруге арналған тұқым;
3) бірінші, екінші және үшінші көбейтілген тұқымдар өндіруші (бұдан әрі - тұқым өсіру шаруашылығы) – жергілікті атқарушы органы аттестаттаған, бірінші, екінші және үшінші көбейтілген тұқымдарды өндіру мен сатуды жүзеге асыратын, шаруашылық жүргізуші субъект;
4) бірінші, екінші және үшінші көбейтілген тұқымдар – тұқымдар элитасының жылдар бойынша кейіннен өсіріп-өндірілуі: бірінші жыл - бірінші көбейтілген тұқым, екінші жыл – екінші көбейтілген тұқым, үшінші жыл –үшінші көбейтілген тұқым;
5) өтініш беруші – аттестаттаудан өту және аттестаттау туралы куәлікті алу үшін тиісті жергілікті атқарушы органына өтініш берген жеке немесе заңды тұлға;
6) суперэлиталы тұқым – тұқым шаруашылығы саласындағы ұлттық стандарттар мен өзге де нормативтік құжаттардың талаптарына сәйкес келетін және элиталық тұқым өндіруге арналған өсіп-өндіру көшеттігі өнімінен алынатын бірегей тұқымдарға жататын тұқым;
7) тұқым өндіруші – тұқым шаруашылығы саласындағы қызметті жүзеге асыратын жеке немесе заңды тұлға;
8) тұқым өсiру шаруашылығы – жергiлiктi атқарушы орган аттестаттаған, бiрiншi, екiншi және үшiншi көбейтiлген тұқымдарды өндiру мен өткізуді жүзеге асыратын шаруашылық жүргiзушi субъект;
9) тұқым өткізуші – жергілікті атқарушы орган аттестаттаған, ауыл шаруашылығы өсімдіктері тұқымдарының партияларын өткізу және (немесе) тұқым несиесін беру жөніндегі қызметті жүзеге асыратын жеке немесе заңды тұлға;
10) элиталық тұқымдар – бірегей немесе суперэлиталық тұқымнан алынған және Қазақстан Республикасының тұқым шаруашылығы туралы заңнамасының талаптарына сәйкес келетін ауыл шаруашылығы өсімдіктерінің тұқымдары;
11) элиталық тұқымдар өндіруші (бұдан әрі – элиталық тұқым өсіру шаруашылығы) – жергілікті атқарушы орган атестаттаған, элиталық тұқымдарды өндіру мен өткізуді жүзеге асыратын шаруашылық жүргізуші субъект;
12) элиталық тұқым өсiру шаруашылығы – жергiлiктi атқарушы орган аттестаттаған, элиталық тұқымдарды өндiру мен өткізуді жүзеге асыратын шаруашылық жүргiзушi субъект.
3. Бірегей тұқымдар өндірушілерді, элиталық тұқым өсіру шаруашылықтарын, тұқым өсіру шаруашылықтарын, тұқым өткізушілерді аттестаттауды жергілікті атқарушы орган осы Қағидаларға 1-қосымшаға сәйкес нысан бойынша мәлімделген қызмет түріне сәйкес аттестаттау туралы куәлікті бере отырып, жүргізеді.
Осы Қағидалар қолданысқа енгізілгенге дейін берген аттестаттау туралы куәлік аттестатау мерзімі өткенге дейін жарамды болып табылады.
4. Бірегей тұқымдар өндірушілерге, элиталық тұқым өсіру шаруашылықтарына, тұқым өсіру шаруашылықтарына, тұқым өткізушілерге аттестаттауды жүргізу үшін жергілікті атқарушы органның қаулысымен құрамында кемінде бес адам (комиссияның төрағасы және төрт мүшесі) бар тұрақты жұмыс істейтін аттестаттау комиссиясы (бұдан әрі – комиссия) құрылады.
Комиссияның құрамына жергілікті атқарушы органның өкілдері кіреді.
Жергілікті атқарушы органның ауыл шаруашылығы басқармасы немесе бөлімі комиссияның жұмыс органы (бұдан әрі – Жұмыс органы) болып табылады.
5. Аттестаттау туралы куәлік мәлімделген қызмет түріне сәйкес өтініш беруші осы Қағидаларға 2-қосымшада көрсетілген бірегей тұқымдар өндiрушiлерге, элиталық тұқым өсіру шаруашылықтарына, тұқым өсіру шаруашылықтарына, тұқым өткізушілерге тиісінше қойылатын талаптарға (бұдан әрі – талаптар) сәйкес болған жағдайда беріледі.
6. Элиталық тұқым өсіру шаруашылығын аттестаттау туралы куәлікті алған және бірегей тұқымдар өндірушілерге қойылатын талаптарға жауап беретін шаруашылық жүргізуші субъект бірегей тұқымдар өндірушіні аттестаттау туралы куәлікті алуға үміттене алады.
7. Элиталық тұқым өсіру шаруашылығын аттестаттау туралы куәлікті алған және тұқым өсіру шаруашылықтарына қойылатын талаптарға жауап беретін шаруашылық жүргізуші субъект тұқым өсіру шаруашылығын аттестаттау туралы куәлікті алуға үміттене алады.
2. Бірегей тұқымдар өндірушілерді, элиталық тұқым өсіру шаруашылықтарын, тұқым өсіру шаруашылықтарын, тұқым өткізушілерді аттестаттау тәртібі
8. Аттестаттаудан өту және аттестаттау туралы куәлікті алу үшін өтініш беруші мынадай құжаттарды ұсынады:
1) осы Қағидаларға 3-қосымшаға сәйкес нысан бойынша аттестаттауды (қайта аттестаттауды) жүргізу туралы өтініш (бұдан әрі – өтініш);
2) осы Қағидаларға 4, 5, 6 және 7-қосымшаларға сәйкес бірегей тұқымдар өндірушілерге, элиталық тұқым өсіру шаруашылықтарына, тұқым өсіру шаруашылықтарына, тұқым өткізушілерге тиісінше қойылатын талаптарға сәйкестігі туралы мәліметтер нысанын.
Өтініш беруші электрондық цифрлық қолтаңбасы болған жағдайда «электрондық үкімет» веб-порталы арқылы электронды нысанда құжаттарын тапсыра алады.
9. Комиссия өтініш берушінің осы Қағидалардың 8-тармағында көрcетiлген құжаттарын алған күннен бастап екі жұмыс күні ішінде ұсынылған құжаттардың толықтығын тексереді.
Өтініш беруші құжаттардың толық емес топтамасын ұсынған жағдайда, Жұмыс органы екі жұмыс күні ішінде өтінішті одан әрі қараудан дәлелді түрде бас тартады.
10. Осы Қағидалардың 8-тармағында көрcетiлген құжаттардың толық топтамасын ұсынған жағдайда, комиссия он жұмыс күнінен аспайтын мерзімде жергілікті жерге бара отырып, өтініш берушінің осы Қағидаларға 2-қосымшада көрсетілген талаптарға сәйкестігі тұрғысынан тексеру жүргізеді (өтініш беруші өтініште көрсеткен қызмет түріне сәйкес).
11. Өтініш берушіні тексеру нәтижелері бойынша комиссия бір жұмыс күні ішінде осы Қағидаларға 8-қосымшаға сәйкес нысан бойынша бiрегей тұқымдар өндiрушлерге, элиталық тұқым өсіру шаруашылықтарына, тұқым өсіру шаруашылықтарына, тұқым өткізушірге қойылатын талаптарға сәйкестігіне тексеру актісін (бұдан әрі – тексеру актісі) екі данада жасайды. Бір данасы комиссияда қалады, екіншісі өтініш берушіге беріледі.
12. Комиссия осы Қағидалардың 8-тармағында көрcетiлген құжаттарды, сондай-ақ тексеру актісін қарау қорытындысы бойынша екі жұмыс күні ішінде аттестаттау туралы куәлікті беру не аттестаттау туралы куәлікті беруден бас тарту туралы шешім қабылдайды, ол хаттамамен ресімделеді және оған комиссияның барлық мүшелері қол қояды.
13. Комиссияның аттестаттау туралы куәлікті беру туралы шешімі негізінде Жұмыс органы бес жұмыс күні ішінде жергілікті атқарушы орган қаулысының тиісті жобасын дайындайды, ол бекітілгеннен кейiн Жұмыс органы өтініш берушіге аттестаттау туралы куәлік береді.
14. Өтінішті қарастырудың жалпы мерзімі өтініш беруші осы Қағидалардың 8-тармағында көрсетілген құжаттарды ұсынған күннен бастап жиырма жұмыс күнін құрайды.
15. Осы Қағидаларға 2-қосымшада көрсетілген талаптарға сәйкес келмеген өтініш берушіге жергілікті атқарушы орган осы Қағидалардың 14-тармағында көрсетілген мерзім ішінде бас тартудың себептерін көрсете отырып, жазбаша түрде дәлелді жауап береді.
Комиссияның шешіміне Қазақстан Республикасының заңнамасында белгіленген тәртіппен шағымдануға болады.
16. Жергілікті атқарушы орган аттестаттау туралы куәлікті бергеннен кейін бес жұмыс күні ішінде Қазақстан Республикасы Ауыл шаруашылығы министрлігіне тиісті ақпарат жолдайды.
17. Жергілікті атқарушы орган бірегей тұқымдар өндірушілердің, элиталық тұқым өсіру шаруашылықтарының, тұқым өсіру шаруашылықтарының, тұқым өткізушілердің тізілімін жүргізеді.
3. Аттестаттау туралы куәлікті қайта ресімдеу және бірегей тұқымдар өндірушілерді,
элиталық тұқым өсіру шаруашылықтарын, тұқым өсіру шаруашылықтарын,
тұқым өткізушілерді қайта аттестаттады жүргізу тәртібі
18. Атауы, тегi, аты, әкесiнiң аты (бар болса) не ұйымдық-құқықтық нысаны өзгерген жағдайда, бiрегей тұқымдар өндiрушi, элиталық тұқым өсіру шаруашылығы, тұқым өсіру шаруашылығы, тұқым өткізуші аттестаттау туралы куәлікті қайта ресімдеу үшін негіз болған өзгерістер туындаған сәттен бастап күнтізбелік отыз күн ішінде Жұмыс органына мынадай құжаттарды ұсынады:
1) осы Қағидаларға 9-қосымшаға сәйкес нысан бойынша аттестаттау туралы куәлікті қайта ресімдеу туралы өтініш;
2) мемлекеттік ақпараттық жүйелерде ақпараттар бар құжаттарды қоспағанда, аттестаттау туралы куәлікті қайта ресімдеу үшін негіз болған өзгерістер туралы ақпаратты қамтитын құжаттардың көшірмесі;
3) аттестаттау туралы куәліктің түпнұсқасы.
19. Комиссия осы Қағидалардың 18-тармағында көрcетiлген құжаттарды алған сәттен бастап екі жұмыс күні ішінде ұсынылған құжаттардың толықтығын текесереді және аттестаттау туралы куәлікті қайта ресімдеу не қайта ресімдеуден бас тарту туралы шешім қабылдайды, ол хаттамамен ресімделелі және оған комиссияның барлық мүшелері қол қояды.
Осы Қағидалардың 18-тармағында көрсетілген құжаттар топтамасын толық ұсынбау аттестаттау туралы куәлікті қайта ресімдеуден бас тартудың негізі болып табылады.
20. Комиссияның оң шешімі негізінде Жұмыс органы жергілікті атқарушы орган қаулысының тиісті жобасын дайындайды, ол бекітілгеннен кейін Жұмыс органы бiрегей тұқымдар өндiрушiге, элиталық тұқым өсіру шаруашылығына, тұқым өсіру шаруашылығына, тұқым өткізушіге аттестаттау туралы қайта ресімделген куәлікті береді.
21. Аттестаттау туралы қайта ресімделген куәлікке жаңа тіркеу нөмірі беріледі.
Аттестаттау туралы қайта ресімделген куәліктің жарамдылық мерзімі бұрын берілген аттестаттау туралы куәліктің жарамдылық мерзіміне тең болып қалады.
22. Аттестаттау туралы куәлікті қайта ресімдеу өтінішін қарастырудың жалпы мерзімі осы Қағидалардың 18-тармағында көрсетілген құжаттар ұсынылған күннен бастап алты жұмыс күнін құрайды.
23. Тұқым шаруашылығы субъектілерін қайта аттестаттау осы Қағидаларда белгіленген талаптарға сәйкес аттестаттаудың жарамдылық мерзімі өткеннен кейін:
бірегей тұқымдар өндірушілер үшін – бес жылда бір рет;
элиталық тұқым өсіру шаруашылықтары үшін – үш жылда бір рет;
тұқым өсіру шаруашылықтары үшін – үш жылда бір рет;
тұқым өткізушілер үшін – екі жылда бір рет өткізіледі.
24. Осы Қағидаларға 3-қосымшаға сәйкес нысан бойынша қайта аттестаттауға өтінішті бірегей тұқымдар өндіруші, элиталық тұқым өсіру шаруашылығы, тұқым өсіру шаруашылығы, тұқым өткізуші аттестаттау туралы куәліктің жарамдылық мерзімінің аяқталуына күнтізбелік отыз күн қалғанда береді.
25. Элиталық тұқымды, бірінші, екінші және үшінші көбейтілген тұқымдарды өндіру және өткізу жүргізілетін ауыл шаруашылығы өсімдігінің сортын сол ауыл шаруашылығы өсімдігінің басқа сортына ауыстыру аттестаттау туралы куәлікте көрсетілген сорттар саны шегінде жүргізіледі.
Ауыл шаруашылығы өсімдігінің сортын ауыстыру тұқым шаруашылығы субъектісін қайта аттестаттауға негіз болып табылмайды.
Бірегей және элиталық тұқымдар, бiрiншi, екiншi және үшiншi көбейтiлген тұқым өндiрушiлердi,
тұқым өткiзушiлердi аттестаттау қағидаларына 1-қосымша
Нысан
№ ____ аттестаттау туралы куәлік
_______________________________________________________________________________________
(заңды тұлғаның толық атауы немесе жеке тұлғаның тегi, аты, әкесiнiң аты (бар болса)
_______________________________________________________________________________________
(жергілікті атқарушы органның толық атауы)
20__ жылғы «__» ____________ № _______ қаулысының негізінде бірегей тұқымдар, элиталық тұқымдар, бiрiншi, екiншi және үшiншi көбейтiлген тұқымдар өндiру және өткізу (тұқым өткiзушiлер үшiн – тек сату) қызметін жүзеге асыруға (қажеттісінің астын сызу керек) _______________________________________________________
____________________________________________________________________________________________
(ауыл шаруашылығы өсiмдiгiнiң атауы, сорттардың саны (бірегей тұқымдар өндірушілер
____________________________________________________________________________________________
үшін сорттардың саны көрсетілмейді) көрсетіледі)
______________________________________________________________________________________ берілді.
Басшы __________________________________________ __________________
(тегi, аты, әкесiнiң аты (бар болса)) (қолы)
Лауазымы ____________________________________________________________
Берiлген күнi: 20__ жылғы «___» _______________
М.О.
20__ жылғы «___» ___________________ дейiн жарамды.
Бірегей және элиталық тұқымдар, бiрiншi, екiншi және үшiншi көбейтiлген тұқым өндiрушiлердi,
тұқым өткiзушiлердi аттестаттау қағидаларына 2-қосымша
Бірегей тұқымдар өндірушілерге, элиталық тұқым өсіру шаруашылықтарына, тұқым өсіру шаруашылықтарына, тұқым өткізушілерге қойылатын талаптар
1. Бірегей тұқымдар өндірушілерге қойылатын талаптар мыналарды қамтиды:
1) бірегей тұқымдарды өндіруді жүргізу үшін егістік алаңның (суармалы жерлерде – сумен қамтамасыз етілген ауыспалы егістіктің) болуы;
2) бірегей тұқымдар өндіру жүргізілетін, ауыл шаруашылығы өсімдігінің ерекшеліктерін ескере отырып, нақты топырақты-климаттық аймаққа арналған ғылыми негізделген ұсынымдарға сәйкес салынған және кемінде бір ротациядан өткен, игерілген тұқым шаруашылығы ауыспалы егістерінің болуы;
3) жалпы егіс алаңының 30 пайызынан кем емес тұқым шаруашылығы егістіктерінің болуы;
4) бірегей тұқымдарды өндіру (бастапқы тұқым шаруашылығы) бойынша 6 жылдан кем емес жұмыс тәжірибесінің болуы;
5) нақты топырақты-климаттық аймаққа арналған ауыл шаруашылығы дақылдарын өсіру бойынша ғылыми негізделген ұсынымдарға сәйкес сорттық агротехниканың болуы;
6) Қазақстан Республикасы Ауыл шаруашылығы министрлігі Агроөнеркәсіптік кешендегі мемлекеттік инспекция комитеті аумақтық инспекциясының өсімдіктер карантині жөніндегі мемлекеттік инспекторы растаған бірегей тұқымдар өндірушінің аумағында карантиндік объектілердің болмауы, бұл ретте карантиндік объектілер бірегей тұқымдар өндірушінің аумағында аттестаттау сәтіне дейін кемінде үш жыл кезеңінде де болмауы тиіс;
7) дақыл жөнінде бес жылдан кем емес жұмыс тәжірибесі бар кемінде бір маман-селекционердің болуы немесе ауыл шаруашылығы өсімдіктері селекциясы саласында ғылыми-зерттеу жұмыстарын жүзеге асыратын жеке немесе заңды тұлғамен бірегей тұқымдар өндірісі бойынша бірлескен жұмысты жүзеге асыруға шарттың болуы;
8) кемінде бір агроном-тұқымшының және әр дақыл бойынша маманның сондай-ақ дақыл мен сорттың тұқым шаруашылығы жөніндегі жұмыстың айрықша әдістерін меңгерген техникалық персоналдың кемінде үш адамының болуы;
9) дақыл мен сорттың биологиялық белгілері мен қасиеттерін ескеретін схемаларға қатаң сәйкестікте бірегей тұқымдар өндірісін қамтамасыз ету;
10) кейіннен элиталық тұқымдар өндірісін қамтамасыз ету мақсатында бірегей тұқымның жоспарланған мөлшерін өндіруге қажетті түр-түрде және көлемде сорттың тұқымдық материалының (жеміс, жидек дақылдарының және жүзімнің көшетін өндірушілер үшін аналық екпе ағаштардың) болуы;
11) мынадай:
бастапқы буындардың негізін қалау үшін – 100 пайыз;
суперэлита үшін – 50 пайыз қажеттілікте тұқым сақтандыру қорларының болуы;
12) бiрегей тұқымдар өндiру жүргiзiлетiн ауыл шаруашылығы өсiмдiктерi түрлерiнiң бiрегей тұқымдарын өндiру жөнiндегi жұмыстардың бүкіл кешенiн қамтамасыз ету үшiн меншiк, лизинг немесе мүлiктiк жалға алу құқығындағы не сенiмгерлiк басқарудағы мамандандырылған селекциялық және тұқым шаруашылығы техникасының болуы;
13) тұқымдар партияларын олардың араласуына жол бермей орналастыруға мүмкіндік беретін меншiк, лизинг немесе мүлiктiк жалға алу құқығындағы не сенiмгерлiк басқарудағы мамандандырылған қырмандардың, тұқымдарды сақтауға арналған сыйымдылықтардың (қоймалық үй-жайлардың және (немесе) сүрлем үлгісіндегі қоймалардың және (немесе) бункерлердің), арнайы ыдыстың, асфальтталған жабық алаңдардың, жемiс, жидек дақылдары мен жүзiмге арналған көму алаңдарының болуы;
14) бірегей тұқымдар өндіру жүргізілетін ауыл шаруашылығы өсімдіктерінің әр сорты бойынша өндірілген, сатылған және өз шаруашылығында пайдаланылған бірегей тұқымның саны мен сапасына, шыққан тегіне (себу, іріктеу, сорттық, түрлік және фитопатологиялық отаулар (тазалаулар), егістіктерді қабылдау және (немесе) байқаудан өткізу, бірегей тұқымдарды жинау, кіріске алу, тазалау және өңдеу, сату актілері, тұқымдарды есепке алу журналы (ол тиісті жергілікті атқарушы органның тұқым шаруашылығы жөніндегі мемлекеттік инспекторымен нөмірленуге, тігілуге, қолы қойылуға тиіс), тұқымдардың кондициялығы туралы куәлік, тұқымдардың аттестаты) есеп жүргізу;
15) сортты шығару әдісін, ата-аналық нысандар, сорт белгілерінің ерекше сипаттамалары туралы мәліметтерді көрсететін сорт жөніндегі құжаттаманы жүргізу;
16) тұқым шаруашылығы жөніндегі есеп материалдарының алты жылдан кем емес мерзім ішінде сақталуын қамтамасыз ету.
2. Элиталық тұқым өсіру шаруашылықтарына қойылатын талаптар мыналарды қамтиды:
1) элиталық тұқымдар өндіру жүргізілетін, ауыл шаруашылығы өсімдігінің ерекшеліктерін ескере отырып, нақты топырақты-климаттық аймаққа арналған ғылыми негізделген ұсынымдарға сәйкес салынған, және кемінде бір ротациядан өткен игерілген тұқым шаруашылығы ауыспалы егістерінің болуы;
2) нақты топырақты-климаттық аймаққа арналған ауыл шаруашылығы дақылдарын өсіру бойынша ғылыми негізделген ұсынымдарға сәйкес сорттық агротехниканың болуы;
3) жалпы егіс алаңының 25 пайызынан кем емес тұқым шаруашылығы егістіктерінің болуы;
4) соңғы үш жылдағы өнімділіктің орташа облыстық көрсеткіштен жоғары болуы;
5) тұқым шаруашылығы бойынша жұмыс тәжірибесі төрт жылдан кем емес;
6) жалпы өндіріс көлеміндегі қызметтің негізгі түрінің (элиталық тұқым шаруашылығы) үлес салмағын қамтамасыз ету 25 пайыздан кем болмауы;
7) тұқым шаруашылығы жүргізілетін егілетін дақылдардың саны 4-тен көп емес;
8) аттестаттау нысанасына сәйкес тұқым шаруашылығы жүргізілетін әр дақыл бойынша сорттардың саны 3-тен көп емес, жүгеріні қоспағанда 9-дан көп емес;
9) суперэлиталық тұқымды егуге қажетті тұқымның сақтандыру қоры – 50 пайыз болуы;
10) дақылдар мен сорттар бойынша сорт жаңарту жоспарының болуы;
11) аудандастырылғандар тізбесіне енгізілген тұқым сорттарын өсіру схемасының болуы;
12) тұқым материалдарын өсіру жұмыстарының барлық түрлері мен оның сапалық көрсеткіштері көрсетілетін құжаттаманы жүргізу және есепке алуды ұйымдастыру;
13) элиталық тұқымның жоспарланған мөлшерін өндіру үшін түр-түрде және көлемде негізгі тұқым материалының (бірегей тұқымдар) аудандастырылған және перспективті сорттарының болуы;
14) аттестаттауға өтініш берген сәттен бастап кемінде екі жыл мерзімге элиталық тұқымның жоспарланған мөлшерін өндіру үшін түр-түрде және көлемде аудандастырылған және перспективті сорттардың бірегей немесе суперэлиталық тұқымдарын жеткізу туралы бірегей тұқым өндірушімен жасалған шарттың болуы;
15) ауыл шаруашылығы өсімдіктері селекциясы саласында ғылыми-зерттеу жұмыстарын жүзеге асыратын жеке немесе заңды тұлғамен элиталық тұқым өндірісін ғылыми сүйемелдеуге жасалған шарттың болуы;
16) элиталық тұқымның жоспарланған көлемiн өндiру жөнiндегi жұмыстар кешенiн қамтамасыз етуге арналған меншiк, лизинг немесе мүлiктiк жалға алу құқығындағы не сенiмгерлiк басқарудағы тұқым тазалайтын техниканы және тұқымды дәрiлейтiн техниканы қоса алғанда, ауыл шаруашылығы техникасының болуы;
17) тұқымдар партияларын олардың араласуына жол бермей орналастыруға мүмкіндік беретін меншiк, лизинг немесе мүлiктiк жалға алу құқығындағы не сенiмгерлiк басқарудағы мамандандырылған қырмандардың, тұқымдарды сақтауға арналған сыйымдылықтардың (қоймалық үй-жайлардың және (немесе) сүрлем үлгісіндегі қоймалардың және (немесе) бункерлердің), арнайы ыдыстың, асфальтталған жабық алаңдардың, жемiс, жидек дақылдары мен жүзiмге арналған көму алаңдарының болуы;
18) ауыл шаруашылығы өсімдіктерінің әр сорты бойынша өндірілген, сатылған және өз шаруашылығында пайдаланылған тұқымның саны мен сапасына, шыққан тегіне (себу, егістіктерді қабылдау және (немесе) байқаудан өткізу, тұқымды жинау, кіріске алу, тазалау және өңдеу, сату актілері, тұқымдардың аттестаттары, тұқымдардың кондициялығы туралы куәлік, тұқымдарды есепке алу журналы (тиісті жергілікті атқарушы органның тұқым шаруашылығы жөніндегі мемлекеттік инспекторымен нөмірленуге, тігілуге, қолы қойылуға тиіс) есеп жүргізу;
19) тұқым шаруашылығы бойынша есеп материалдарының кемінде бес жыл сақталуын ұйымдастыру;
20) жоспарланған жұмыс көлемін білікті түрде орындау үшін тиісті білімі бар (орта білімінен кейінгі немесе жоғары) штат кестесінде көзделген мамандар санының, оның ішінде кемінде бір агроном-тұқымшының болуы;
21) Қазақстан Республикасы Ауыл шаруашылығы министрлігі Агроөнеркәсіптік кешендегі мемлекеттік инспекция комитеті аумақтық инспекциясының өсімдіктер карантині жөніндегі мемлекеттік инспекторы растаған элиталық тұқым өсіру шаруашылығының аумағында карантиндік объектілердің болмауы, бұл ретте карантиндік объектілер элиталық тұқым өсіру шаруашылығының аумағында сондай-ақ аттестаттау сәтіне дейін кемінде үш жыл кезеңінде болмауы тиіс;
22) элиталық тұқымдарды өндiруді жүргiзу үшiн егiстiк алаңның (суармалы жерлерде – сумен қамтамасыз етiлген ауыспалы егiстiктiң) болуы тиіс.
3. Тұқым өсіру шаруашылықтарына қойылатын талаптар мыналарды қамтиды:
1) тұқым шаруашылығы бойынша жұмыс тәжірибесінің болуы – екі жылдан кем емес;
2) бірінші, екінші және үшінші көбейтілген тұқымдарды өндіруді жүргізу үшін егістік алаңның (суармалы жерлерде – сумен қамтамасыз етілген ауыспалы егістіктің) болуы;
3) бірінші, екінші және үшінші көбейтілген тұқым өндіру жүргізілетін ауыл шаруашылығы өсімдігінің ерекшеліктерін ескере отырып, нақты топырақты-климаттық аймаққа арналған ғылыми негізделген ұсыныстарға сәйкес енгізілген тұқым шаруашылығы ауыспалы егістерінің болуы;
4) жалпы егіс алаңының 20 пайызынан кем емес тұқым шаруашылығы егістіктерінің болуы;
5) тұқым шаруашылығы жүргізілетін өңделетін дақылдардың саны – 3-тен көп емес;
6) аттестаттау нысанасына сәйкес тұқым шаруашылығы жүргізілетін әр дақыл бойынша сорттардың саны 3-тен көп емес, жүгеріні қоспағанда 9-дан көп емес;
7) аттестаттауға өтініш берген сәттен бастап кемінде үш жыл мерзімге бірінші, екінші және үшінші көбейтілген тұқым өндіру үшін элиталық тұқымдар жеткізу туралы элиталық тұқым өсіруші шаруашылықпен жасалған шарттың болуы;
8) ауыл шаруашылығы өсімдіктері селекциясы саласында ғылыми-зерттеу жұмыстарын жүзеге асыратын жеке немесе заңды тұлғамен бірінші, екінші және үшінші көбейтілген тұқым өндірісін ғылыми сүйемелдеуге жасалған шарттың болуы;
9) нақты агроэкологиялық аймақ үшін ұсынылған ауыл шаруашылығы өсімдіктерін өсіру агротехнологиясын сақтау;
10) Қазақстан Республикасы Ауыл шаруашылығы министрлігі Агроөнеркәсіптік кешендегі мемлекеттік инспекция комитеті аумақтық инспекциясының өсімдіктер карантині жөніндегі мемлекеттік инспекторы растаған тұқым өсіру шаруашылығы аумағында карантиндік объектілердің болмауы, бұл ретте карантиндік объектілер тұқым өсіру шаруашылығының аумағында сондай-ақ аттестаттау сәтіне дейін кемінде үш жыл кезеңінде болмауы;
11) кемінде бір агроном-тұқымшының болуы;
12) дақылдар мен сорттар бойынша сорт жаңарту жоспарының болуы;
13) бірінші, екінші және үшінші көбейтілген тұқым сорттарын өсіру схемасының болуы;
14) бірінші, екінші және үшінші көбейтілген тұқымның жоспарланған мөлшерін өндіру үшін түр-түрде және көлемде негізгі тұқым материалының болуы;
15) бiрiншi, екiншi және үшiншi көбейтiлген тұқымдардың жоспарланған көлемiн өндiру жөнiндегi жұмыстардың бүкіл кешенiн қамтамасыз ету үшiн меншiк, лизинг немесе мүлiктiк жалға алу құқығындағы не сенiмгерлiк басқарудағы тұқым тазалайтын техниканы және тұқымды дәрiлеуге арналған техниканы қоса алғанда, ауыл шаруашылығы техникасының болуы;
16) тұқымдар партияларын олардың араласуына жол бермей орналастыруға мүмкіндік беретін меншiк, лизинг немесе мүлiктiк жалға алу құқығындағы не сенiмгерлiк басқарудағы мамандандырылған қырмандардың, тұқымдарды сақтауға арналған сыйымдылықтардың (қоймалық үй-жайлардың және (немесе) сүрлем үлгісіндегі қоймалардың және (немесе) бункерлердің), арнайы ыдыстың, асфальтталған жабық алаңдардың, жемiс, жидек дақылдары мен жүзiмге арналған көму алаңдарының болуы;
17) ауыл шаруашылығы өсімдіктерінің әр сорты бойынша өндірілген, сатылған және өз шаруашылығында пайдаланылған тұқымның саны мен сапасына, шыққан тегіне (себу, егістіктерді қабылдау және (немесе) байқаудан өткізу, тұқымды жинау, кіріске алу, тазалау және өңдеу, сату актілері, тұқымдардың аттестаты, тұқымдардың куәлігі, тұқымдардың кондициялығы туралы куәлік, тұқымдарды есепке алу журналы (ол ауданның тиісті жергілікті атқарушы органының тұқым шаруашылығы жөніндегі мемлекеттік инспекторымен нөмірленуге, тігілуге, қолы қойылуға тиіс) есеп жүргізу;
18) тұқым шаруашылығы бойынша есеп материалдарының кемінде үш жыл сақталуын қамтамасыз ету.
4. Тұқым өткізушілерге қойылатын талаптар мыналарды қамтиды:
1) жоспарланған жұмыс көлемін білікті түрде орындау үшін тиісті білімі бар (орта білімнен кейінгі немесе жоғары) штат кестесінде көзделген мамандар санының, оның ішінде кемінде бір агроном-тұқымшының болуы;
2) кейіннен сату үшін ауыл шаруашылығы өсімдіктерінің тұқымын жеткізу туралы тұқым өндірушілермен (тұқым жеткізушілер тұқымды шетелдік жеткізушілерден сатып алған (импорт бойынша) жағдайда) жыл сайын жасалатын шарттың болуы;
3) тұқымдар партияларын олардың араласуына жол бермей орналастыруға мүмкіндік беретін меншiк, лизинг немесе мүлiктiк жалға алу құқығындағы не сенiмгерлiк басқарудағы мамандандырылған қырмандардың, тұқымдарды сақтауға арналған сыйымдылықтардың (қоймалық үй-жайлардың және (немесе) сүрлем үлгісіндегі қоймалардың және (немесе) бункерлердің), арнайы ыдыстың, асфальтталған жабық алаңдардың, жемiс, жидек дақылдары мен жүзiмге арналған көму алаңдарының болуы;
4) ауыл шаруашылығы өсiмдiктерiнiң тұқымдарын сақтау, тазалау және өткiзу жөнiндегi барлық жұмыстар кешенiн қамтамасыз ету үшiн меншiк құқығындағы немесе лизингке немесе мүлiктiк жалға не сенiмгерлiк басқаруға алынған мамандандырылған техниканың болуы;
5) ауыл шаруашылығы өсімдіктері тұқымының әр партиясы бойынша өткізілетін тұқымның саны мен сапасының, шыққан тегінің есебін, тұқымды құжатталуын, облыстың тиісті жергілікті атқарушы органының тұқым шаруашылығы жөніндегі мемлекеттік инспекторымен нөмірленуге, тігілуге және қол қоюы тиіс тұқымдарды есепке алу журналын жүргізу;
6) тұқымдарды сақтау және өткізу материалдарының кемінде үш жыл сақталуын қамтамасыз ету;
7) Қазақстан Республикасының қорғалатын өсімдіктер сорттарының мемлекеттік тізіліміне енгізілген ауыл шаруашылығы өсімдіктері сорттарының тұқымдарын кезде өткізген «Селекциялық жетістіктерді қорғау туралы» 1999 жылғы 13 шілдедегі Қазақстан Республикасының Заңына сәйкес патент иесі (лицензиар) тұқым өткізушіге (лицензиатқа) селекциялық жетістікті уақытша пайдалану құқығын беретін лицензиялық шарттың болуы;
8) Қазақстан Республикасы Ауыл шаруашылығы министрлігі Агроөнеркәсіптік кешендегі мемлекеттік инспекция комитеті аумақтық инспекциясының өсімдіктер карантині жөніндегі мемлекеттік инспекторы растаған карантиндік объектілердің болмауы.
Бірегей және элиталық тұқымдар, бiрiншi, екiншi және үшiншi көбейтiлген тұқым өндiрушiлердi, тұқым өткiзушiлердi аттестаттау қағидаларына 3-қосымша
Нысан
_______________________________________________________________________________
(облыстың, республикалық маңызы бар қалалардың, астананың жергiлiктi атқарушы
органының атауы көрсетiледi)
_______________________________________________________________________________
(заңды тұлғаның толық атауы, жеке тұлғаның тегi, аты, әкесiнiң аты (бар болса) көрсетiледi)
Аттестаттауды (қайта аттестаттауды) жүргізу туралы өтініш
Аттестаттаудан (қайта аттестаттаудан) (қажеттісінің астын сызу керек) өткiзудi және ____________________
___________________________________________________________________________________________
(ауыл шаруашылығы өсiмдiгiнiң атауы, сорттардың саны (бiрегей тұқымдар
___________________________________________________________________________________________
өндiрушiлерге сорттардың саны көрсетiлмейдi) көрсетiледi)
бірегей тұқымдар, элиталық тұқымдар, бiрiншi, екiншi және үшiншi көбейтiлген тұқымдар өндiру және өткізу (тұқым өткiзушiлер үшiн – тек өткізу) қызметін жүзеге асыруға (қажеттісінің астын сызу керек) және аттестаттау туралы куәлікті берудi сұраймын.
Жеке тұлға туралы мәлiметтер:
1. Жеке куәлiгi _________________________________________________
(нөмiрi, кiм және қашан бергені көрсетiледi)
2. Жеке сәйкестендіру нөмірі _____________________________________
3. Мекенжайы: _________________________________________________
(индексi, қаласы, ауданы, облысы, көшесi, үйдiң №,
____________________________________________________________________
телефоны, факсы, электрондық мекенжайы)
4. Банк деректемелерi _________________________________________________
(есеп-шот №, банктiң атауы және орналасқан жерi)
Заңды тұлға туралы мәлiметтер:
1. Заңды тұлғаны мемлекеттiк тiркеу (қайта тіркеу) туралы куәлiк немесе анықтама
____________________________________________________________________
____________________________________________________________________
(нөмiрi және күні көрсетiледi)
2. Бизнес сәйкестендіру нөмірі ___________________________________
2. Мекенжайы: _________________________________________________
(индексi, қаласы, ауданы, облысы, көшесi, үйдiң №,
____________________________________________________________________
телефоны, факсы, электрондық мекенжайы)
4. Банк деректемелерi _________________________________________________
(есеп-шот №, банктiң атауы және орналасқан жерi)
Қоса берiлiп отырған құжаттар: __________________________________________
_____________________________________________________________________
_____________________________________________________________________
Ақпараттық жүйелерде қамтылған заңмен қорғалатын құпияны құрайтын мәліметтерді пайдалануға келісемін.
Ұсынылған ақпараттың шынайылығын растаймын және шынайы емес мәліметтер ұсынғаным үшін Қазақстан Республикасының заңдарына сәйкес жауапкершілік туралы хабардармын.
Басшы __________________________________________ ________________
(тегi, аты, әкесiнiң аты (бар болса)) (қолы)
М.О. 20__ жылғы «___» _____________
Өтiнiш қарауға 20__ жылғы «___» __________________________ қабылданды
______________________________________________________ ________________
(тегі, аты, әкесiнiң аты (бар болса)) (қолы)
Бірегей және элиталық тұқымдар, бiрiншi, екiншi және үшiншi көбейтiлген тұқым өндiрушiлердi,
тұқым өткiзушiлердi аттестаттау қағидаларына 4-қосымша
Бірегей тұқымдар өндірушілерге қойылатын талаптарға сәйкестігі
туралы мәліметтер нысаны
1. Заңды тұлғаның толық атауы немесе жеке тұлғаның тегi, аты, әкесiнiң аты (бар болса)
__________________________________________________________________________
2. Бизнес сәйкестендіру нөмірі/жеке сәйкестендіру нөмірі ________________________
3. Телефоны _______________________________________________________________
4. Электрондық почта ______________________________________________________
5. Жер учаскесіне арналған сәйкестендіру құжаты _______________________________
1) Жерге акті (құжаттың нөмірі) ______________________________________________
2) Жерге актінің берілген күні ________________________________________________
6. Жер учаскесін жалға беру шарты
р/с
№ Кадастрлық нөмірі Жылжымайтын мүлік объектісінің мекенжайы Меншік иесі (құқық иеленуші) Құқығы туындайтын негіз Жалға беру мерзімі
1 2 3 4 5 6
кестенің жалғасы
Жер учаскесі-нің ауданы (га) Жерлердің санаты Нысаналы мақсаттағы Пайдалануға және ауырт-палыққа шектеу қою Жер учаскесінің бөлінуі Жоспар шекарасындағы жат жер учаскелері
7 8 9 10 11 12
7. Тұқым өндірумен тікелей айналысатын мамандардың болуы туралы мәліметтер.
р/с
№ Маманның Т.А.Ә. Бiлiмi бойынша мамандығы Лауазымы Мамандығы бойынша жұмыс өтiлi
1 2 3 4 5
8. Бірегей тұқымдарды өндіруді жүргізу үшін егістік алаңының (суармалы жерлерде – сумен қамтамасыз етілген ауыспалы егістіктің) болуы.
9. Бірегей тұқымдар өндіру жүргізілетін, ауыл шаруашылығы өсімдігінің ерекшеліктерін ескере отырып, нақты топырақты-климаттық аймаққа арналған ғылыми негізделген ұсынымдарға сәйкес салынған және кемінде бір ротациядан откен, игерілген тұқым шаруашылығы ауыспалы егістерінің болуы.
10. Жалпы егіс алаңының кемінде 30 пайызынан кем емес тұқым шаруашылығы егістіктерінің болуы.
11. Бірегей тұқымдар өндіру (бастапқы тұқым шаруашылығы) бойынша 6 жылдан кем емес жұмыс тәжірибесінің болуы.
12. Нақты топырақты-климаттық аймаққа арналған ауыл шаруашылығы дақылдарын өсіру бойынша ғылыми негізделген ұсынымдарға сәйкес сорттық агротехниканың болуы.
13. Қазақстан Республикасы Ауыл шаруашылығы министрлігі Агроөнеркәсіптік кешендегі мемлекеттік инспекция комитеті аумақтық инспекциясының өсімдіктер карантині жөніндегі мемлекеттік инспекторы растаған бірегей тұқымдар өндірушінің аумағында карантиндік объектілердің болмауы, бұл ретте карантиндік объектілер бірегей тұқымдар өндірушінің аумағында аттестаттау сәтіне дейін кемінде үш жыл кезеңінде де болмауы тиіс:
р/с
№ Қорытынды нөмірі Қорытынды күні Қазақстан Республикасы Ауыл шаруашылығы министрлігі Агроөнеркәсіптік кешендегі мемлекеттік инспекция комитеті аумақтық инспекциясының өсімдіктер карантині жөніндегі мемлекеттік инспекторының Т.А.Ә. Шығарылатын қорытынды
1 2 3 4 5
14. Дақыл жөнінде бес жылдан кем емес жұмыс тәжірибесі бар кемінде бір маман-селекционердің болуы немесе ауыл шаруашылығы өсімдіктері селекциясы саласында ғылыми-зерттеу жұмыстарын жүзеге асыратын жеке немесе заңды тұлғамен бірегей тұқымдар өндірісі бойынша бірлескен жұмысты жүзеге асыруға шарттың болуы:
р/с
№ Шарт нөмірі Күні Заңды тұлғаның толық атауы/жеке тұлғаның Т.А.Ә. БСН/ЖСН Мекенжайы
1 2 3 4 5 6
15. Кемінде бір агроном-тұқымшының және әр дақыл бойынша маманның, сондай-ақ дақыл мен сорттың тұқым шаруашылығы жөніндегі жұмыстың айырықша әдістерін меңгерген техникалық персоналдың кемінде үш адамының болуы.
16. Дақыл мен сорттың биологиялық белгілері мен қасиеттерін ескеретін схемаларға қатаң сәйкестікте бірегей тұқымдар өндірісін қамтамасыз ету.
17. Кейіннен элиталық тұқымдар өндірісін қамтамасыз ету мақсатында бірегей тұқымның жоспарланған көлемін өндіруге қажетті түр-түрде және көлемде сорттың тұқымдық материалының (жеміс, жидек дақылдарының және жүзімнің көшетін өндірушілер үшін аналық екпе ағаштардың) болуы.
18. Мынадай:
1) бастапқы буындардың негізін қалау үшін – 100 пайыз;
2) суперэлита үшін – 50 пайыз қажеттілікте тұқым сақтандыру қорларының болуы.
19. Бiрегей тұқымдар өндiру жүргiзiлетiн ауыл шаруашылығы өсiмдiктерi түрлерiнiң бiрегей тұқымдарын өндiру жөнiндегi жұмыстардың